پنجاب لینڈ ریکارڈ اتھارٹی کا نئی فیسوں کا اعلان

پنجاب لینڈ ریکارڈ اتھارٹی (PLRA) کا فیسوں کا نیا شیڈول نافذ

پنجاب لینڈ ریکارڈ اتھارٹی (PLRA) نے مالی سال 2025–26 کے لیے اپنی خدمات کی نئی فیسوں کا باقاعدہ اعلان کر دیا ہے۔ یہ نیا شیڈول 14 جولائی 2025 کو جاری کیا گیا اور اسی تاریخ سے نافذ العمل بھی ہو چکا ہے۔ فیسوں کا تعین PLRA ایکٹ 2017 کے تحت کیا گیا ہے، جس کا مقصد عوام کو بہتر سہولیات فراہم کرنا، نظام میں شفافیت لانا اور مالی استحکام کو یقینی بنانا ہے۔

اہم فیسیں درج ذیل ہیں:

فوری زمین ریکارڈ (فرد، انتقال، گرداوری) کی فراہمی: 3,500 روپے

نارمل طریقے (HSMS) سے فرد حاصل کرنے کی فیس: 800 روپے

رجسٹرڈ دستاویز (رجسٹری) کی نقل حاصل کرنے کی فیس: 1,300 روپے

تصدیق شدہ نقول کی ویریفکیشن:

عام شہری کے لیے: 900 روپے

بینک/ادارے کے لیے: 600 روپے

زمین کے ریکارڈ میں تبدیلی (Correction): 9,700 روپے

بینک یا دیگر ذرائع سے انتقال کی فیس: 1,100 روپے

آن لائن ٹرانسفر کے لیے کمیشن کی تقرری: 6,100 روپے

کوآپریٹو ہاؤسنگ یا ڈیولپمنٹ اتھارٹی کے اندر ٹرانسفر: 2,500 روپے

منظور شدہ ہاؤسنگ سوسائٹیوں میں ہر پراپرٹی کی رجسٹریشن فیس: 5,000 روپے

HSMS پر ہر لین دین کی فیس: 3,000 روپے

ای-رجسٹریشن فیس:

ای-رجسٹریشن پورٹل کے ذریعے خرید و فروخت پر فیس پراپرٹی کی مجموعی قیمت کا 0.1 فیصد ہوگی، تاہم کم از کم فیس 3,300 روپے مقرر کی گئی ہے۔

دیگر تمام ای-رجسٹریشن سے متعلق معاملات پر بھی یہی 3,300 روپے لاگو ہوں گے۔

نوٹ: یہ تمام فیسیں سرکاری ٹیکسز یا دیگر لازمی فیسوں کے علاوہ ہوں گی۔

دیگر اہم فیصلے:

PLRA کے ملازمین کی تنخواہوں میں 10 فیصد اضافہ کی منظوری دی گئی ہے۔

بیرون ملک مقیم پاکستانیوں کے لیے امریکی ڈالر میں ادائیگی کا آپشن متعارف کروایا گیا ہے۔

اتھارٹی اب روایتی طریقوں کے بجائے آن لائن نظام جیسے HSMS اور ای-رجسٹریشن پورٹل کو ترجیح دے رہی ہے تاکہ عوام کو زمین کے ریکارڈ تک آسان رسائی اور وقت کی بچت میسر ہو۔