پیٹرول اور ڈیزل کی قیمتوں میں بڑی کمی متوقع

 پیٹرول اور ہائی اسپیڈ ڈیزل کی قیمتوں میں بالترتیب 5 روپے اور 9 روپے فی لیٹر کی کمی متوقع ہے، جس کی بنیادی وجہ بین الاقوامی قیمتوں میں کمی ہے۔

باخبر ذرائع کے مطابق بین الاقوامی مارکیٹ میں پٹرول اور ہائی سپیڈ ڈیزل ایندھن کی قیمتوں میں بالترتیب 3 ڈالر اور 5 ڈالر فی بیرل کی کمی ہوئی۔

اس لحاظ سے پاکستان میں پیٹرول کی قیمت میں 4.50 سے 5.20 روپے فی لیٹر اور ڈیزل کی قیمت میں 8 سے 8.50 روپے فی لیٹر کمی متوقع ہے۔

پٹرول کا درآمدی پریمیم تقریباً 10 فیصد کم ہوکر $10.7 فی بیرل سے $9.60 ہوگیا۔ یہ دوسری مرتبہ ہے کہ مارچ میں قیمت 13.50 ڈالر فی بیرل سے کم ہوئی ہے۔ جبکہ دو ہفتوں میں ڈالر کے مقابلے روپیہ تقریباً 45 پیسے گر کر 278.65 روپے پر آگیا۔

حکام نے بتایا کہ بین الاقوامی مارکیٹ میں پٹرول کی قیمت 98.5 ڈالر سے کم ہو کر 96.6 ڈالر فی بیرل ہو گئی جبکہ ہائی سپیڈ ڈیزل کی قیمت 102.9 ڈالر فی بیرل سے کم ہو کر 97.5 ڈالر پر آ گئی۔

یاد رہے کہ دو ہفتے قبل حکومت نے پیٹرول اور ہائی اسپیڈ ڈیزل کی قیمتوں میں بالترتیب 4 روپے 53 پیسے اور 8 روپے 14 پیسے فی لیٹر اضافہ کیا تھا۔

Read Reference Article Here