وزیر اعظم شہباز شریف کی نواز شریف کی وطن واپسی اور چوتھی بار وزیر اعظم بننے کی خواہش

 وزیر اعظم شہباز شریف نے حال ہی میں کارکنوں سے خطاب کے دوران کہا ہے کہ وہ پاکستان مسلم لیگ ن کے رہنما نواز شریف کی پاکستان واپسی اور چوتھی بار وزیر اعظم بنتے دیکھنا چاہتے ہیں۔

وزیر اعظم نے یہ اپیل پارٹی کی مرکزی جنرل کونسل کے اجلاس کے دوران کی جہاں وزیر اعظم کو دوبارہ مسلم لیگ ن کا صدر منتخب کر لیا گیا۔

اجلاس سے خطاب کرتے ہوئے وزیر اعظم شہباز شریف نے کہا کہ وہ اپنے بڑے بھائی کا انتظار کر رہے ہیں کہ وہ پاکستان واپس آئیں اور پھر پارٹی میٹنگ کریں تاکہ قیادت ان کے حوالے کر سکیں۔

 وزیراعظم نے مزید کہا کہ الیکشن کمیشن کی تلوار لٹک رہی تھی اسی لیے یہ اجلاس ہوا۔ وزیر اعظم شہباز شریف کو مسلم لیگ (ن) کی صدارت اس وقت سونپی گئی ہے جب سپریم کورٹ نے نواز شریف کو نااہل قرار دے کر پارٹی کا کوئی عہدہ رکھنے سے روک دیا گیا تھا۔نواز شریف کی واپسی پر سیاست کا نقشہ بدل جائے گا

انہوں نے یہ بھی کہا کہ مسلم لیگ ن کو نوجوان قیادت کی ضرورت ہے اور انہوں نے مریم نواز کی محنت کو سراہا۔ وزیر اعظم شہباز شریف نے کہا کہ نواز شریف کی واپسی پر سیاست کا نقشہ بدل جائے گا۔